ಕನಸ್ಸಿನ ಮೆರೆವಣಿಗೆ

ತುಸು ನಿದ್ದೆಯಿಂದ ಜಾರಿದೆ ಕನಸ್ಸಿನ ಬಲೆಗೆ,

ಮೈಮನ ಸಾಗುತಿದೆ ವಿಸ್ಮಯ ಲೋಕದೆಡೆಗೆ,

ಅದ್ದೂರಿಯಾಗಿ ಸ್ವಾಗತಿಸುತಿದೆ ಕನಸ್ಸಿನ ಮೆರೆವಣಿಗೆ,

ನನಗಾಗಿ ನೀಡುತಿದೆ ಮನರಂಜನೆಯ ಕೊಡುಗೆ!!

ಕನಸ್ಸಿನ ಸಾರಥ್ಯದಲ್ಲಿ ಈ ಪಯಣ,

ಮೂಡಿ ಬರುತಿದೆ ಅಂದದ ಚಿತ್ರಣ,

ಹಲುವು ಪಾತ್ರಧಾರಿಗಳು ಮೆರೆವ ತಾಣ,

ಕನಸ್ಸಿನ ಮೆರೆವಣಿಗೆಯಲಿ ಕಥೆಗಳ ಅನಾವರಣ!!

ತನ್ನ ವೈವಿಧ್ಯಮಯ ಕಥೆಗಳ ಸುತ್ತ,

ವಿಭಿನ್ನ ಕಲ್ಪನೆಗಳನು ಉಣಬಡಿಸುತ,

ಈ ಅಮೋಘ ಲೋಕಕ್ಕೆ ಹೃದಯದಿ ಮನಸೆಳೆತ,

ಈ ಸುಂದರ ಚಿತ್ರಣ ಉಳಿಯಲಿದೆ ಶಾಶ್ವತ!!

ಎಲ್ಲೆ ಇಲ್ಲದ ಮನರಂಜನೆಯ ವೇದಿಕೆ,

ನೋವು, ನಲಿವು, ಹಲವು ಭಾವನೆಗಳ ಸಂಚಿಕೆ,

ಮನದಲಿ ಕನಸ್ಸಿನ ಮೆರವಣಿಗೆಯ ಆಳ್ವಿಕೆ, 

ತೆರಿಗೆಯಿಲ್ಲದೆ ಅನನ್ಯವಾಗಿ ರಂಜಿಸುತಿದೆ ಮನಕೆ!!