ಕಿಟಕಿ
ಕಿಟಕಿ
ಮನೆಮನೆಗೆ ಇರಬೇಕು
ಅಂದ ಚೆಂದದ ಕಿಟಕಿ
ಮುಂಜಾನೆ ಬೆಳಕು ತೂರಿ
ಸುಪ್ರಭಾತ ಹೇಳುವ ಕಿಟಕಿ
ಹೊರಗಿನ ಗಾಳಿ ಬೆಳಕುಗಳ
ಒಳಗೆ ಹರಿಸುವ ಕಿಟಕಿ
ನೀಲಾಗಸವ ಮುದದಿ
ತೋರುವ ಕಿಟಕಿ
ಮನೆಮನೆಯ ಕಥೆಗಳನು
ಕಾಣುವುದು ಕಿಟಕಿ
ಸೂರ್ಯೋದಯಾಸ್ತಗಳ
ಸಾರುವುದು ಕಿಟಕಿ
ಹಾದಿಬೀದಿಯ ಹರಟೆಯ
ಕೇಳುವುದು ಕಿಟಕಿ
ನೆರೆಮನೆಯ ಗುಟ್ಟುಗಳ
ರಟ್ಟು ಮಾಡುವ ಕಿಟಕಿ
ಮನುಜನಳಿದು ಹೋದರೂ
ಮನೆ ಮನೆಯ ಸಾಕ್ಷಿ ಕಿಟಕಿ
ಅರಮನೆಯ ಶತ್ರು ಧಾಳಿಯ
ತಿಳಿವ ಗೂಢಚಾರ ಕಿಟಕಿ
ಕಳ್ಳಕಾಕರ ಆಪ್ತಮಿತ್ರ
ಕಳ್ಳಗಂದಿ ಈ ಕಿಟಕಿ