ಗೋಮಾತೆ
ಗೋಮಾತೆ
ಯುಗ ಯುಗದಲ್ಲೂ ಕಾಮಧೇನು ಎಂಬ ಬಿರುದು
ಗೋಮಾತೆಯ ಉಪಕಾರ ನಮಗೆ ಎಂದೂ ಹಿರಿದು
ಮುಕ್ಕೋಟಿ ದೇವರ ಸನ್ನಿಧಾನದ ಒಡಲು
ಪೊರೆಯುತಿರುವಳು ಭಾರತಾಂಬೆಯ ಮಡಿಲು
ಮಾನವ ಜನಾಂಗಕ್ಕೆ ಅಮೃತವ ಊಣಬಡಿಸುವೆ
ನಮ್ಮಯ ಆರೋಗ್ಯ ಜೀವನವ ಉದ್ಧರಿಸುವೆ
ಈಗ ಯುಗದಲ್ಲೂ ನಿರಂತರ ನಿನ್ನಯ ಸೇವೆ
ನಿನ್ನ ಪಡೆದ ನಿಜ ಅದೃಷ್ಟವಂತರು ನಾವೆ
ನಿನ್ನ ಕಂಡಾಗ ಕೈಮುಗಿಯ ಬೇಕೆಂಬ ಭಾವ
ಆದರೂ ಕಟುಕರು ಹಿಂಡುತ್ತಿರುವ ನಿನ್ನ ಜೀವ
ಅವ ಮಾನವ ಗುಣ ಅರಿಯದ ದಾನವ
ಅವನಿಗೆ ಮನದಲ್ಲಿ ಇರುವುದು ಭಾವನೆಗಳ ಅಭಾವ
ತಾಯಿ ಎದೆಹಾಲು ಕುಡಿಸಿದ ಋಣವ ತೀರಿಸಲಾಗದು
ಭೂದೇವಿ ನಿತ್ಯ ಕೊಡುವ ಸಂಜೀವಿನಿಯ ಬಣ್ಣಿಸಲಾಗದು
ನಿನ್ನ ಉಳಿವು ನಮ್ಮೆಲ್ಲರ ಕರ್ತವ್ಯದ ಭಾಗ
ನಿನ್ನ ಕಾಪಾಡಬೇಕು ನಾವೆಲ್ಲರೂ ಈಗ