ಗಜಲ್
ಗಜಲ್
ಸಜ್ಜನರು ಕಟ್ಟಿದ ಸಾಮ್ರಾಜ್ಯದಲಿ ದುಷ್ಟಕೂಟವೊಂದು ಕೇಕೆ ಹಾಕುತ್ತಿದೆ ಸಾಕಿ.
ರಮ್ಯತೆಯ ಜಗದಲ್ಲಿ ರಣಭೀಕರ ಖಳನಾಯಕತ್ವವು ಆರ್ಭಟಿಸುತ್ತಿದೆ ಸಾಕಿ //
ಕಾಯಕವೆ ಮೇಲೆಂದು ಬಗೆವ ಜೀವಗಳು ಮಾನಕ್ಕೆ ಅಂಜಿ ಬದುಕುತ್ತವೆ.
ಮೂರು ಬಿಟ್ಟ ಮನವೊಂದು ನಾನೇ ಮೇಲೆಂದು ಅಟ್ಟಹಾಸಗೈಯುತ್ತಿದೆ ಸಾಕಿ. //
ನೂರು ಸತ್ಯಗಳ ಮಧ್ಯೆ ಒಂದು ಮಿಥ್ಯೆಯ ಕೈ ಮೇಲಾದರೂ ಆದೀತು.
ಕಲಿಕಾಲದಲಿ ಸಾವಿರಾರು ಮಿಥ್ಯಗಳೆ ಮೇಲಾಗಿ ಸತ್ಯ ಸಾಯುತ್ತಿದೆ ಸಾಕಿ
ಯಾರೊ ಕಟ್ಟಿದ ಅರಮನೆಗೆ ನಾನೆ ರಾಜನೆಂದು ಹುಚ್ಚನೊಬ್ಬ ಅರಚುತ್ತಿಹನು
ಅರೆಬೆಂದ ಯೋಗ್ಯತೆಯು ಸಿಂಹಾಸನದಿ ಕುಳಿತು ಡೊಂಕಾಗುತ್ತಿದೆ ಸಾಕಿ//
ಮೂರ್ಖರ ಸಂತೆಯಲಿ ಜಾಣನೆ ಏಕಾಂಗಿಯಾಗಿ ಮೌನಿಯಾಗಿದ್ದಾನೆ.
ಧ್ಯಾನದ ಅಂತಃಸುಖದಲ್ಲಿ ಏಕಾಂಗಿಯ ಮನವು ಆನಂದಿಸುತ್ತಿದೆ ಸಾಕಿ//