ಬೇಷರತ್ ಪ್ರೀತಿ

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ಅಮ್ಮ ನಾ ಹುಟ್ಟುತ್ತಲೇ ನನ್ನ ರಾಣಿಯಾಗಿ ಕಂಡಳು 

ಅಮ್ಮ ನಾ ಹೇಳಿದ್ದಕ್ಕೆಲ್ಲ ಸೈ ಎಂದು ಹುರಿದುಂಬಿಸುತ್ತಿದ್ದಳು 

ಈಗ ನನ್ನನ್ನು ನಾನೇ ಹುರಿದುಂಬಿಸಿಕೊಳ್ಳಬೇಕು

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ಅಣ್ಣ ನನ್ನೊಟ್ಟಿಗೆ ಜಗಳವಾಡಿದಾಗ, ನನ್ನ ಪರವಹಿಸುತ್ತಿದ್ದಳು 

ಈಗ ನನಗೆ ನಾನೇ ಪರವಹಿಸಿಕೊಳ್ಳಬೇಕು

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ಹೊಸ ಅಂಗಿ, ಬಳೆ, ವಾಲೆ ಎಲ್ಲಾ ನಂಗೆ

ಕಷ್ಟಗಳನ್ನೆಲ್ಲಾ ನೀ ನುಂಗಿದೆ ಎಂಗೆ

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ 

ಹೊಲೆ ಹಚ್ಚಲು ಬಿಡ್ಲಿಲ್ಲ, ಮನೆ ಕೆಲಸದಿಂದ ಇಟ್ಟೆ ನನ್ನ ದೂರ 

ಆದರೂ ನೀ ನನ್ ಮೇ

Advertisement

ಲಿಟ್ಟ ನಂಬಿಕೆ ಅಪಾರ

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ನಿನ್ನ ನಂಬಿಕೆಯೇ ಎನಗೆ ದಾರಿ ದೀಪ ಅಳಿಸಿ ನನ್ನ ಕೋಪ 

ಹಚ್ಚಿದೆ ನಾ ಗಂಡನ ಮನೆಯ ನಂದಾದೀಪ 

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ಇಂದಿಗೂ ನಿನ್ ಮಕ್ಕಳ ಮೇಲೆ ತೋರುವ ಪ್ರೀತಿ 

ಕಂಡರೆ ಆಗುವುದು ನನಗೆ ಭೀತಿ

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ನಿನ್ ಹಾಗೆ ತೋರಿಸಲಾರೆ ನಾ ಪಿರೂತಿ

ಯಾಕಂದ್ರೆ ನನಗಿಲ್ಲ ನಿನ್ ಹಾಗೆ ಪ್ರೀತಿಯ ಮೂಗುತಿ 

ಅಮ್ಮನಿಂದ ನಾ ಬಂದೆ ಆದರೆ ಅಮ್ಮನ ನೆನಪಿಂದ ನಾ ನೊಂದೆ

ಮಕ್ಕಳಾ ಮೊದಲ್ಗೊಂಡು ಮೊಮ್ಮಕ್ಕಳಾ ಅಮ್ಮಮ್ಮ ನಮ್ಮಮ್ಮ ನೀನು 

ತೀರಿಸಲಾರೆ ನಿನ್ನೀ ಋಣವ ನಾನು .........