ಬಚ್ಚಿಟ್ಟ ಭಾವಗಳು

ನೀನೆಂದು ಅರಿಯುವೆ ಇನಿಯ 
ನಾ ಬಚ್ಚಿಟ್ಟ ಭಾವಗಳು ಎಷ್ಟೆಂದು 
ನೀನೆಂದು ಜೊತೆಯಾಗುವೆ ಗೆಳೆಯ 
ನಾ ಕಟ್ಟಿದ ಆಸೆಗಳಿಗೆ ರೆಕ್ಕೆಯಾಗಲು 

ನಿನಗಾಗಿ ಹಗಲಿರುಳು ಕಾಯುತಿಹೆ 
ಅಂತರಂಗದೊಳಗೆ ಅಡಗಿ ಕುಳಿತಿಹ 
ಭಾವಗಳು ಅಲ್ಲೇ ಕರಗುವ ಮುನ್ನ 
ಹನಿ ಕಂಬನಿ ಜಾರುವ ಮೊದಲೇ 

ಕವಿದ ಮೋಡ ಸರಿಸಿ ಶಶಿಯಾಗಿ 
ಉದಯಿಸಿ ಬೆಳಗಲು ಬಂದು ಬಿಡು 
ಇಹಲೋಕ ತ್ಯಜಿಸುವ ಮುಂಚೆಯೇ 
ಆವರಿಸಿ ಬಿಡು ನನ್ನ ಮನದ ತುಂಬಾ 

ಆಡಲಾರದ ಅದೆಷ್ಟೋ ಮಾತುಗಳು 
ಅರ್ಥೈಸಿಕೊಂಡು ಬಿಡು ಒಮ್ಮೆ ನೀನು 
ನನ್ನೊಳಗಿನ ನಿನ್ನ ಮೇಲಿನ ಪ್ರೀತಿಯ 
ಭಾವಗಳನ್ನು ನಾ ಹೇಳುವ ಮುನ್ನವೇ 

✍️ ಸೂಗಮ್ಮ ಡಿ ಪಾಟೀಲ್ 
        ಉತ್ನಾಳ್