ಹೂವಮ್ಮ

ಬಡತನ ತುಂಬಿದೆ ಮನೆಯಲ್ಲಿ 
ತಂದು ಹಾಕುವರು ಯಾರಿಲ್ಲಿ 
ದುಡಿಯದೇ ಬದುಕಿದು ಸಾಗಲ್ಲ 
ಹೂವುಗಳೇ ಆಸರೆ ಆಗಿಹದಲ್ಲ 

ಮಲ್ಲಿಗೆ ಬುಟ್ಟಿ ತಲೆಯಲಿ ಹೊತ್ತು 
ಎಲ್ಲೆಡೆ ಹೋಗಿ ಮಾರುವ ನಿಯತ್ತು 
ಮಲ್ಲಿಗೆ ಮನಸ್ಸಿನ ಮಹಿಳೆ ಇವಳು 
ಬಂದ ಕಾಸನು ಕೂಡಿಸಿ ಇಡುವಳು 

ಬಗೆ ಬಗೆ ಬಯಕೆ ಎದೆಯಲ್ಲಡಗಿಸಿ 
ಕಂಗಳ ತುಂಬಾ ಭರವಸೆ ತುಂಬಿಸಿ  
ಬೇಸರವಿಲ್ಲಾ ಅವಳ ಮುಖದಲ್ಲಿ 
ಕಾಯಕ ಮಾಡುವಳು ನಿಷ್ಠೆಯಲ್ಲಿ 

ಬದುಕಲಿ ಬವಣೆ ಎಷ್ಟೇ ಇದ್ದರು 
ನೋವಿನಲ್ಲಿ ಮನಸಿಂದು ಕುದ್ದರು 
ನಗುತಲಿ ಬಾಳ ಬಂಡಿ ನಡೆಸುವಳು
ಮಲ್ಲಿಗೆಯ ಮಾರಾಟ ಮಾಡುವಳು 

✍️ ಸೂಗಮ್ಮ ಡಿ ಪಾಟೀಲ್ 
      ಉತ್ನಾಳ್