भोजपुरी गीत-सइया जड़वा मे

|बीतिहे कईसे रतिया घरवा सईया जड़वा मे |

सूतिहे लइकवा रतिया पोरवा सईया जड़वा मे

|बीती गईली बरखा सईया जाड़ा आई गईले |

कटी गईले धनवा खेतवा पोरा रही गईले |

पिटाई कईसे धनवा नईखे केहु खाली घरवा मे |

बीतिहे कईसे रतिया घरवा सईया जड़वा मे |

जबसे तू गईला बहरा नईहर ननदो चली गईली |

तकला ना घरवा कबहुँ काहे हमके भूली गइली |

पाली हम लइकवा कइसे लागल फांसी गरवा मे |

बीतिहे कईसे रतिया घरवा सईया जड़वा मे |

फाटी गईल साड़ी हमरो औरी सासुजी चदरीया |

 ससुर जी के खोंखी धइल ओढ़ी हम लुगरिया

|सुतब कइसे रज़ाई बिना तड़पे लइकवा जरवा मे |

बीतिहे कईसे रतिया घरवा सईया जड़वा मे |

भेजी दा रुपईया सईया हम रजाई मंगवाइब |

कपीहे ना लइकवा हमरो सबके संगवे सुताइब |

सासुजी के कंबल देब खसीहे ना ससुर भोरवा मे |  

बीतिहे कईसे रतिया घरवा सईया जड़वा मे |