भोजपुरी गीत- काहे नेहीया लगवला

प्रेमवा के रोगवा कइसन लगवला बिधाता

उनका बिना कुछउ ना सुहाता

रतिया के नींद दिनवा के चैना भोराइल

धनिया बिना हमरो सुखवा भोराइल

जेने देखि सुरतिया उनकर देखाता

उनका बिना कुछउ ना सुहाता

केसिया अंझुराइल कंघइया सवारी

जिनगिया अंझुराइल चले ना केवनों उपाई

गाते गाते सोना तनवा ततनवा लुटाता

उनका बिना कुछउ ना सुहाता

जाये के रहे हमसे काहे नेहीया लगवल

अँखिया के रहिया समाई नेहिया भुलवल

 जिया अब आव ता ना जाता

उनका बिना कुछउ ना सुहाता