રહસ્ય

"રહસ્ય"


 બધાંના મનગમતા થવાનું રહસ્ય શું છે?

 એણે જવાબમાં એક સ્મિત કર્યું.

 હું સમજી ગયો.

 ---------

 મેં પૂછ્યું.. તમારી સફળતાનું રહસ્ય શું છે?

 એમણે જવાબ આપ્યો.. બસ‌ તમારા જેવી વ્યક્તિઓનાં લીધે. હું મારું કામ ખંતથી કરું છું.

 હું સમજી ગયો.. -

--------

 આમ તો પૂછાય નહીં છતાં પૂછી રહ્યો છું.. તમારે આટ આટલા ઓપરેશન કરાવ્યા.બાયપાસ કરાવી..તેમજ વારંવાર બિમારીના કારણે હોસ્પિટલમાં દાખલ થાવ છો. છતાં પણ... હશે..પણ તમારામાં હિંમત બહુ જ છે. આ હિંમતનું રહસ્ય શું છે?


 એણે સ્મિત કરીને આકાશ તરફ જોઈને વંદન કર્યા. પછી બોલ્યો.. કુટુંબનો સાથ અને આપના જેવા હિતેચ્છુની પ્રાર્થના તેમજ ઈશ્વર પરની શ્રદ્ધા.

 હું સમજી ગયો. - કૌશિક દવે