Library
Profile
એજ્યુકેટેડ પર્સન
એજ્યુકેટેડ પર્સન
1 min
127
અર્જુનનું એમ.બી.એ. પૂરું થયુંને આજે તેનું એક બહુ મોટી કંપનીમાં ઇન્ટરવ્યૂ હતો. રસ્તામાં એક અકસ્માત થયો હોવાથી બહુ ટ્રાફિક જામ હતો.
અર્જુન ટેક્ષીવાળાને : અરે તમે આ બીજા રસ્તેથી ટેક્ષી લઈ લો. મારે આ બધું જોવાનો સમય નથી. આટલા એજ્યુકેટેડ પર્સન થઈને ઇન્ટરવ્યૂમાં મોડો પહોંચું એ કાંઈ સારુ ના લાગે.
ટેક્ષીવાળો તેને બીજા રસ્તેથી તેને લઈ ગયો. થોડીવાર પછી અર્જુન ખુશ થતો થતો ઇન્ટરવ્યૂમાંથી બહાર આવ્યો અને ઘરે ફોન કરવા માટે મોબાઈલ કાઢ્યો. તેમાં અજાણ્યા નંબરથી 2-3 મિસકોલ જોઈને સામે કોલ કર્યો અને બધું છોડી હોસ્પિટલ પહોંચ્યો.
હોસ્પિટલના ડૉક્ટર : તમારા પિતાના અકસ્માત પછી સમયસર હોસ્પિટલ ના પહોંચી શકવાને કારણે અમે તેમને બચાવી શક્યા નહીં.
