ચહેરા પર કેટલા માસ્ક લગાવીશુ?

આજકાલ કોરોના મહામારી ને લીધે માસ્ક નુ ચલણ ખુબ વધ્યુ છે. વરસ પહેલા જે માસ્ક નો ઉપયોગ ખાલી હેલ્થકેર મા કામ કરતા લોકો,ખાસ કરીને ડોક્ટરો માટે જ અનિવાર્ય મનાતો અે જ માસ્ક અત્યારે સેલિબ્રીટી માથી કોમન બની ગયો છે અને દરેક કોમન મેન માટે ધીરે ધીરે રોજિંદા જીવન નો હિસ્સો બની રહેશે.

પરંતુ, આ તો ફિજીકલ માસ્ક ની વાત થઇ. પણ આ મહામારી પહેલા પણ દરેકે માસ્ક તો પહેરેલા જ હતા પણ દેખાતા નહતા. એ માસ્ક હતા, ચહેરા પર ના માસ્ક. બનાવટી માસ્ક. રોજેરોજ ના સબંધો અને વ્યક્તિ વ્યક્તિ એ બદલાતા માસ્ક. રોજિંદા જીવન ની તો એવી પારાશીશી છે કે, જે માણસ જેટલી બનાવટ કરી શકે તેટલો તે વધારે સ્માર્ટ. અને એટલે જ કદાચ કુદરત ને પણ એવું લાગ્યુ હશે કે, માનવી માસ્ક નો શોખીન છે અને કદાચ એટલે જ અેણે આ મહામારી મોકલીને બધાને સાચુકલા માસ્ક પહેરતા કરી દીધા!!!!

તફાવત એટલો જ છે કે, અભ્યાસ ના અભાવે અા માસ્ક પહેરવાનો ભુલી જવાય છે. અને પેલુ નકલી આવરણ એની મેળે જ આવી જતુ.

હવે ગુંગળામણ થાય છે અને ભાર લાગે છે એ જ માસ્ક નો જે સ્માર્ટ હોવાની પારાશીશી મનાતા હતા. કુદરત સામે માણસ નિ:સહાય છે. માણસ ની સ્માર્ટનેસ કુદરત સામે બુઠી તલવાર જેવી છે.

સમય રહેતા સમજે તેને જ ચતુર કહેવાય છે. કોણ ચતુર છે તે તો સમય જ બતાવશે.