યુવાની અસ્તાચળે

વાર્ધકયનો પણ એક જુદો વૈભવ હોવો જોઈએ,

વાર્ધકયમાં પણ હુંફાળો પ્રેમભાવ હોવો જોઈએ !

યુવાની મધ્યાહ્નનન ને તો દુનિયા પૂજે ને સત્કારે,

યુવાની અસ્તાચળે'ય આદરભાવ હોવો જોઈએ

જિંદગીભર જાત ખર્ચી જેણે ઘરને ઘર બનાવ્યું,

એ ઘરમાં માબાપને કો અભાવ ન હોવો જોઈએ !

વૃદ્ધ માબાપ માંગી માંગી શું માંગે, પ્રેમનો એક જ

કોળીયો ! માબાપ પ્રત્યે સ્નેહભાવ હોવો જોઈએ!

નથી જરૂર કોઈ મંદિર,મસ્જિદ જવાની હે સંતાનો !

કાન્તાસુત માબાપ પર પ્રભુસમ ભાવ હોવો જોઈએ