વ્યથા

જિંદગીના ગણિતમાં જયારે સરવાળો ખોટો પડે

દરદનો ગુણાકાર અને લાગણીઓનો ભાગાકાર થાય

મનનો તરફડાટ જયારે આખરી પળને તરસે

આંખોમાં આંસુ અને હૃદયમાં નિરાશાનો વાસ થાય

પ્રેમના નામે જયારે સંવેદનાઓને પીડા થાય

જીવને જીવવા કરતા મરણ સરળ થાય

પોતાના જયારે પારકા થઇને પ્રશ્ન કરે

મને ટોળામાં ખાલીપાનો અનુભવ થાય

એકના અગિયાર કરતા કરતા શૂન્ય થઇ જાય

ગુણાંક ખોયા કરતા ખોટા પડ્યાનું દુઃખ વધારે થાય

તણખલાને સહારે જયારે તરી જવાનું મન થાય

આશાઓની અને તારી ગેરહાજરી અનુભવાય

સાથે જ રહીશું, તે કહ્યું હતું

એક બીજાના થઇને જીવીશું, તે કહ્યું હતું

હજુ પણ તારા એ શબ્દો સાથે

કોઈ જીવી રહ્યું છે અંધકારમાં અજવાળાની આશ સાથે