સરિતા અને સાગર

સાગરે પૂછ્યું સરિતાને

કાં તું વળી જાય પાછી મને જોઈને

આછું હસીને સરિતા બોલી

તારી ખારાશે મારી મીઠાશને તોલી

ખળખળ વહેતી હતી ત્યારે મને છોલી

સિંધુને મળીને સંધાઈ જતી હું

હવે મારામાં જ કોકડું વળીને સમાઈ ગઈ છું

સપનાઓના સંગીતથી નાચી ઉઠતી હું

હવે એ જ સપનાઓથી દાઝી ગઈ છું

અંતરના અરીસે તને જોઈને મલકી ઉઠતી હું

હવે આંખોથી અનરાધાર છલકી ગઈ છું

વાટ જોવાથી ક્યારેય ન થાકેલી હું

મધદરિયે આવીને જાણે રસ્તો ભૂલી ગઈ છું

પાછા જવું તો અસંભવ છે હવે જાણે

અને મારગ આગળનો નથી દેખાતો જયારે

સલામ તને તું તારી જિંદગીને માણે

મને વિસરીને તું જીવી શકે જયારે.