વસંત
વસંત
સાગર નું પણ કેવું?
એકદમ પુરુષ જેવું...
તોફાની થવું
શમવું સમાવી લેવું
ગુસ્સો કરવો ડર બતાવવો
પણ પોતાનાઓ માટે
સઘળું સહી આંસુ પીવું
સહજ છે પુરુષો માટે
ન વિશ્રામ ન આરામ
બસ કામ કામ ને કામ
આપવા પરિવારને આરામ
આ છે પુરુષ જે સરળ છે
જેને સમજવો સરળ છે
જે પરિવારના પ્રેમ માટે વિહવળ છે
એના માટે સૌથી મોટું માન
પરિવારની મુસ્કાન...
વાદળ નું પણ કેવું !
બિલકુલ સ્ત્રી જેવું
બંધાવું વરસવું
અને વિખાઈ જવું
ઝીલવાની પાત્રતા
સામે હોય કે ન હોય
પણ આપી દીધાનો સંતોષ
અદભુત હોય છે સ્ત્રીને
ન આશ ન પ્યાસ
થોડો વિશ્વાસ ને
ખાસ એહસાસ
આ છે સ્ત્રી સ્ત્રી
જેને સમજવા જશો તો
ગ્રંથ લાગશે પણ
એની સાથે જીવશો ને
તો વસંત લાગશે.