વરસી જઈએ
વરસી જઈએ
વરસીને અમે થાકી ગયા પણ
તમે ક્યાં લીલા થાવ છો !
મલકીને અમે થાકી ગયા પણ
તમેં ક્યાં મીઠા થાવ છો !
છલકીને અમે થાકી ગયા પણ
તમે ક્યાં સરગમ થાવ છો !
પકડીને અમે થાકી ગયા
પણ તમે ક્યાં પ્રેમાળ થાવ છો !
રઝળીને અમે થાકી ગયા
પણ તમે ક્યાં રમઝટ થાવ છો !
સ્મિત પાથરીને અમે થાકી ગયા
પણ તમે ક્યાં સૌરભ થાવ છો !
મહેનતુ બનીને અમે થાકી ગયાં
પણ તમે ક્યાં મહાન થાવ છો !
પ્રેમ કરીને અમે થાકી ગયા
પણ તમે ક્યાં પોતાના થાવ છો !