વરસાદ વરસ્યો ને
વરસાદ વરસ્યો ને
વરસાદ વરસ્યો ને,
અચાનક એવું થયું !
લાગણીઓનું વાદળ ઉમટ્યું ને,
પ્રીતવર્ષાએ મુજને ભીંજવ્યું;
હતો જે અભાવ સાલતો મુજને,
એ મારી મીઠી યાદમાં ભળી ગમી ગયું!
પરિપૂર્ણતાનો અહેસાસ થયો મુજને,
મુજનું મુજ પાસે થમી ગયું !
વરસાદ વરસ્યો ને,......
તરસ છિપાવવા જરુર હોય છે જળની,
જીવન જીવવા જરુર હોય છે પ્રિયજનની !
હોય જો સંગે પ્રિયજનની યાદ પણ,
મંઝિલ પણ જુએ રાહ, રાહના ચૂંબનની !
વરસાદ વરસ્યો ને...
સમયનો નોખો વાદ તો જાય છે સરતો,
પાછો આવે ક્યારે કોને ખબર?
આવકાર આપી લાગણીઓને સમય પર,
ને રુમઝુમ વરસતી રહે, એ પ્રીતવર્ષા જીવનભર!
વરસાદ વરસ્યો ને..
આ લડખડાતી જિંદગીમાં આધાર જે પણ હોય;
દૂર દર્શાતી મૃગજળસમ વર્ષા પણ ચાલશે !
સ્વપ્નની વણઝારમાં જડ્યું ઊર્મિઓનું ધનુષ્ય;
એના દિવ્ય રંગોમાં 'સ્વપ્નીલ' સદા રાચશે !
વરસાદ વરસ્યો ને,
અચાનક એવુ થયું !