Library
Profile
વૃદ્ધત્વ બન્યું બાળક
વૃદ્ધત્વ બન્યું બાળક
ભાખોડીયા ભરતું બાળપણ દાદાની પીઠે ફરી ચડ્યું,
ઢળતી ઉંમર પર અનુભવ પાશ ચડાવી ફરી ખીલ્યું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
બોખા મોં નો એ જ મલકાટ લઈ મોં પર ફરી સજ્યું,
તાળીનાં ટપાકે ને કિલકિલાટે ઘર આખું ફરી ગુંજયું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
રૂપેરી કેશ માંહે ચળકતો ભાલચંદ્ર થઈ ફરી ચમક્યું,
દુનિયાથી બેફિકરીનાં દિન પાછા લાવી ફરી ચહેકયું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
ડંગોરાને વાર્તાનો પાંખાડો ઘોડો બનાવી ફરી ઊડ્યું,
ડાયપરની ચડ્ડી પહેરી એ મોગલી બની ફરી વિહર્યું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
અંચબાનું કાજલ બની આંખમાં કુતુહલ ફરી પધાર્યું,
પા પા પગલી પાડતું હલતું ડોલતું જીવન ફરી ચાલ્યું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
ધ્રુજતાં હાથોએ દાદાગીરી પર પક્કડ ફરી જમાવ્યું,
'દીપાવલી' આમ, દાદાએ જિદ્દીપણું ફરી જતાવ્યું,
બાળપણનો સ્વાંગ ધરી દાદાનું વૃદ્ધત્વ ફરી મ્હોર્યું !
