વિવાહ
વિવાહ
જેના થકી જિંદગી લાગે મધુરી
એના સંગાથ વિના એ અધૂરી
વિવાહ એ તો પવિત્ર સંબંધ ધરા પર !
મળે જો સાચો સંગાથી
ન લાગે જિંદગી અઘરી
વિવાહ એ તો પવિત્ર સંબંધ ધરા પર !
જિંદગીભર જે સાથ નિભાવે
જિંદગી હળવીફૂલ બનાવે
વિવાહ એ તો પવિત્ર સંબંધ ધરા પર !
બીજા સંબંધો લાગે સ્વાર્થના
પિયુ સાથે સંબંધ ભવભવના
વિવાહ એ તો પવિત્ર સંબંધ ધરા પર !
વગર કહ્યે જ લાગણી સમજી
જિંદગી જેણે પોતાની સમજી
વિવાહ એ તો પવિત્ર સંબંધ ધરા પર !