વિશ્વાસ

દૂર થશે ગરીબી તારી, 

વિશ્વાસ હૈયે રાખતો જા. 

મહેનત કરી સફળ બનતો જા, 

ખેલ જિંદગીનો ખેલતો જા. 

ના ચલાવ આડેપાટે જિંદગીને, 

લકીર સીધી ખેંચાતો જા. 

ક્યારેક તો નસીબ આડે પાંદડુ, 

ભાગ્યનાં બળે દૂર કરતો જા. 

માનવી છું તો માનવ બની, 

માનવતાને મૂલવતો જા. 

દોડ રેસની લગાવીને, 

અમીર બની ઓળખાતો જા. 

નથી કોઈ કામ મુશ્કેલ અહીં, 

હૈયે હામ ભીડી લડતો જા. 

લડાઈ જિંદગીની જીતીને, 

ગગનની ઉંચી ઉડાન ભરતો જા. 

નથી કોઈ આવવાનું તારી સાથે, 

"સખી" તારા ભાગ્યને તું લખતો જા.