વિરહિણી વધુ

પિયુ ગયો પરદેશ મારો, વિરહ થયો દિનરાત.

અંગેઅંગ લાગ્યો છે જ્વર, 

વૈદ ન કરે ઉપચાર. 

 રે ! લતા, રે ! વૃક્ષ વેલી, જોયો તે ભરથાર ? 

બાવરી બાવરી હું ફરું, 

મને કહોને પિયુની વાત.

 

મારે તો સાંભળવી મારાં વાલમ કેરી વાત. 

પિયુ ! પિયુ મન પોકારે, 

કરે દલડાંની વાત. 

પિયુ ગયો પરદેશ મારો, વિરહ થયો દિનરાત,

વણ પિયુ વિરહ અગ્નિમાં, 

શું જશે મારાં પ્રાણ ? 

 

પિયુ ગયો પરદેશ મારો, વિરહ થયો દિનરાત

ન ખાવું કે પીવું ભાવે

ન ભાવે કોઈ વાત.