વિચાર-શુદ્ધિ

ઘરનાં મંદિરમાં રોજ દીવો કરી,

ઘરસંસારને ઉજ્વળ બનાવે એ ગૃહલક્ષ્મી, 

અપશબ્દોથી અંધાકર ફેલાવી,

એને અપમાનિત કરતાં કેમ વાર ન લાગે ?

પરિશ્રમની સીડી પકડી હંમેશાં ચાલે,

દરેક પરિસ્થિતિમાં કુટુંબને સંભાળે,

આમ ઘણું બધું કહીએ છતાં પુરુષને બિરદાવતાં,

આપણા શબ્દો કેમ ખૂટતાં લાગે ?

સહુ કોઈ ખૂણે ખાંચરેથી મલીનતા દૂર કરી,

ઘરને આમ કંચન જેવું રાખે,

મનમાં નફરત-તિરસ્કાર અને અહંકારને,

પ્રેમની સાવરણીથી કોણ વાળે ?