વહી ગયું એક વર્ષ

વીતી ગયું ફરી એક વર્ષ મારી જિંદગીનું,

શરુ થશે ફરીથી નવું વર્ષ મારી જિંદગીનું.

થોડી ખાટી થોડી મીઠી ક્ષણો આપી ગયું,

આમ વહી ગયું એક વર્ષ મારી જિંદગીનું.

થોડી હસીખુશી,થોડાં ગમને ઠાલવી ગયું,

આમ વહી ગયું એક વર્ષ મારી જિંદગીનું.

નિર્દયતાથી સ્વજનને અચાનક લેતું ગયું,

આમ વહી ગયું એક વર્ષ મારી જિંદગીનું.

જીવનનાં દરેક ક્ષેત્રે ઘડતર કરતું જ રહયું,

આમ વહી ગયું એક વર્ષ મારી જિંદગીનું.

મારી ઝોળીમાં અનુભવોનું ભાથું ભરીને,

આમ વહી ગયું એક વર્ષ મારી જિંદગીનું.

ભવિષ્યનાં સોનેરી સપનાં બતાવતું ગયું,

આમ વહીી ગયું એક વર્ષ મારી જિંદગીનું.

વ્યસ્તતામાં ને  મૂંઝવણમાં વહી જ ગયું,

આમ એક વર્ષ ઓછું થયું મારી જિંદગીનું.