વહેતું સદા પ્રેમનું ઝરણ છે

હર પળ મારા હૈયે તારું સ્મરણ છે,

તારા વિના જીવન જાણે એક રણ છે !

મારા હૈયામાં તું, મારા શ્વાસો શ્વાસમાં તું,

ઈશ્વર કરતા પણ વધારે થાય તારું રટણ છે.

જાત કરતા પણ વધારે ચાહું છું તને,

શબ્દોમાં કઈ રીતે વ્યક્ત કરું એ મૂંઝવણ છે.

હજારો દુઃખ, હજારો તકલીફ છે જીવનમાં,

પણ બધી સમસ્યાઓનું નિરાકરણ તું છે.

સદીઓની તરસ તારી મારે છીપાવવી છે,

મારા હૈયે વહેતું તારા માટે પ્રેમનું ઝરણ છે.

તૃપ્ત થઈ જશે મારું આ તડપતું હૈયું,

તારું મિલન એજ મારા દુઃખોનું મારણ છે.

નથી જોઈતા હવે કોઈ તખ્તોતાજ મને,

બસ તારો પ્રેમ એજ જીવનનું કારણ છે.