વાત તો માત્ર એટલી જ હતી

વાત તો માત્ર એટલી જ કે,

મેં તારા હૈયાને ધબકતું જોઈ લીધું,

તો તું મને જોઈને પગને પાછા કેમ વાળે છે ?

વાત તો માત્ર એટલી જ કે,

મેં તારા નયનને તરસતું જોઈ લીધું,

તો તું મને જોઈને તારા નયનને કેમ ઢાળે છે ?

વાત તો માત્ર એટલી જ કે,

મેં તારા અધીરા મનડાને જોઈ લીધું,

તો તું મને જોઈને તારા મનડાને કેમ બાળે છે ?

વાત તો માત્ર એટલી જ કે,

મેં તારી ભીતરના દર્દને જોઈ લીધી,

તો તું મને જોઈને હાસ્યનો કળશ કેમ ઢોળે છે ?