બધું જ લીલુંછમ !

મરુભૂમિ સમ આ હૈયા પર મારા

પડ્યો પ્રેમનો જોરદાર વરસાદ તારો

બધું જ લીલુંછમ !

યુગયુગથી તરસી આ આંખોને

મળ્યો સ્નેહભીનો એક ઇશારો તારો

બધું જ લીલુંછમ !

સૂકી ઉજ્જડ નદી સમ આ હ્રદયને

મળ્યો વિસ્વાસનો ઘૂઘવતો દરિયો તારો

બધું જ લીલુંછમ !

પડતા, આખડતા, ભટકતા આ કદમોને

મળ્યો સ્થિર, અડીખમ ખભાનો સહારો તારો

બધું જ લીલુંછમ !

આકળા ઊનાળાના બળબળતા આવા બપોરે

મળ્યો પ્રેમાળ સ્મિતનો આવકારો તારો

બધું જ લીલુંછમ !

'મન હરાયું ઢોર મારુ, ભટકે ચારેકોર' ને

મળ્યો ખીલો, સ્પર્શની ગમાણનો તારો

બધું જ લીલુંછમ !

'એક સાંધતાં તેર તૂટતાં આ 'જશ'ના વહાણને

મળયો મજબૂત ને સલામત કિનારો તારો

બધું જ લીલુછમ !