ઉડવું છે મારે
ઉડવું છે મારે
મન ભરીને આસમાનમાં ઉડવું છે મારે,
સફળતાની મંઝિલ તરફ વળવું છે મારે.
અશાંતિ,આધિ,વ્યાધિ,ઉપાધિ મૂકીને,
નવા સપનાની સવારમાં જાગવું છે મારે.
ભૂતકાળને વિશરી,ભવિષ્યને માણવા,
વર્તમાનની સોનેરી પળમાં જીવવું છે મારે.
સત્યનો રાહ ચીંધનારા ઓછા મળ્યા,
અસત્યના માર્ગેથી દુર રહેવું છે મારે.
પોતાનાએ દૂર કર્યો,પારકાંએ દીધો આશરો,
ઈશ્વરના સાનિધ્યમાં મનને પરોવવું છે મારે.
અશાંતિની આંધી ફેલાઈ રહી છે ચોતરફ
સકળ જગતમાં ક્યાંક ખોવાવવું છે મારે.
નવી જિંદગીના મુકામ પર આવીને ઉભો
આત્મનિર્ભર બની દુનિયા સામે લડવું છે મારે.