તું ઝરમર વરસ ને
તું ઝરમર વરસ ને
એ ઋતુઓની રાણી તું ખુશીઓ લાવી તાણી
તારા થકી છે બધી ઉજાણી,
આ તારી રીમઝીમ રીમઝીમ વરસવાની
આદત છે ખૂબ સારી,
તું અન્નપૂર્ણા
તું ગંગોત્રી
તું ભાગ્યવિધાતા
તું ઋતુઓની રાણી
એ વાત ક્યાં છે ! અજાણી,
તારા આવવાથી જળાશયો છલકાય,
તારા આવવાથી જગતના તાતનું મો મલકાય,
ધરતી પર જાણે ! નીલમના ગાલીચા પથરાય
પક્ષીઓ ટહુકા કરે બાળકો ગેલમાં આવે
ખેડૂતો વાવણી કરે સૌ તારા આગમનને વધાવે,
તું ઋતુઓની રાણી
તારી આ વાત ના સમજાણી
શાને ધરે ? આટલું વિકરાળ રૂપ ?
જન જીવન છિન્ન ભિન્ન કર
જાન માલની પારાવાર હાની કરે,
મહાનગરો ભયમાં મૂકાય,
રસ્તાઓનું ધોવાણ થાય
ઘરવખરી તણાઈ
કરોડોનું નુકશાન થાય
ગરીબો બેઘર બને,
તું આ રૌદ્ર સ્વરૂપમાં મને સારી નથી લાગતી,
તું ઝરમર વરસ
તું રીમઝીમ વરસ
તારું સૌમ્ય સ્વરૂપ કેવું સુંદર !
અને ખૂબસૂરત !
પણ શાને ? આટલું વિકરાળ બને ?
આ મોરને નાચવું છે,
બપૈયાને ગીતો ગાવા છે
આ માછલીને તરવું છે
આ ખેડૂતને ખેતી કરવી છે
આ બાળકોને મોસમની મજા માણવી છે,
આ કાગળની હોડી તરાવવી છે
આ પ્રેમીઓને સંગ સંગ ભીંજાવું છે,
તું રીમઝીમ વરસ ને,
તું ઝરમર વરસ ને.