ટપાલી
ટપાલી
આ બ્રેકઅપ પછીનો પત્ર હશે નહીં ? બોલ્યો ટપાલી,
હા, પણ તમને ખોલ્યા વગર કેવી રીતે પડી ખબર ?
'સરનામું બદલાયું છે' કરીને પરત આવે, બોલ્યો ટપાલી,
એટલે અમે સમજી જ જઈએ સંબંધ પર પૂર્ણવિરામ !
કોરોકટ મોકલ્યો'તો, નવું પરબીડીયું આપી હસતો ટપાલી,
એ જ કાગળ બે આડા લીસોટાવાળું પામી થયું આશ્ર્ચર્ય !
હવે જ્યાં દેખાય વહેતી સરિતા ત્યાં નાવ નાંખી દો એવું,
બોલ્યો ટપાલી, નાનકડી જીંદગી મસ્તી થોડી ઓર કરી લે !
જરા ઈશારો શું કર્યો આકાશનો ચાંદ ફિદા, બોલ્યો ટપાલી,
થયો તારા જેવા જમીનના સિતારા પર એવું તું ધારી બેઠો !
સમયના વહેણમાં સંબંધ ઓળખની અસ્મિતા બની છે,
બોલ્યો ટપાલી, પ્રવાહમાં ઓટની રાહ જો ઓળખ માટે !