તરુણાવસ્થા

તરુણીઓ નવી કળીઓ થઈ ખીલી તરુણાવસ્થામાં,

તરુણો મુગ્ધ નવી નવી મૂંછ જેવી કવિતાઓ રચવામાં;

તરુણીઓ નવી પાંખો પામી આકાશે ચડતી ડમરીઓ,

તરુણો મગ્ન સ્નેહની છાલકે દિલની પ્રતો ઉઘાડવામાં;

કળીઓ વિકસતા ભવ્યતા એની લે છે મનને ભરડો,

કુતૂહલની કેટલીયે કેડીઓ કહે અટકો- કરવો મટકો;

પ્રફુલ્લિત કરી જાય આ માહોલ ગમવાનું ગણિત સમું,

હેરત પમાડતી અજાયબીઓ એકમેકને જોડતો તંતુ;

તરુણાવસ્થાનાં વાવાઝોડામાં પાંદડીઓ વળગી રહી,

પ્રચંડ પ્રહારમાં પ્રગાઢ નાતો પાંદડાઓની જાણે ખુમારી;

આફતો સામે ઝીંક ઝીલતી તરુણીઓ તરુણાવસ્થામાં,

ગેબી શક્તિથી રહસ્યો ઉકેલતા તરુણો તરુણાવસ્થામાં !