ત્રિરંગો
ત્રિરંગો
ગગને લહર લહર લહેરાય ત્રિરંગો,
વિશ્વમાં દેશની શાન છે ત્રિરંગો,
કેસરિયો રંગ પ્રતીક બલિદાનનું,
શ્વેત શાંતિનું પારેવું છે ત્રિરંગો,
હરિત રંગ છે ક્રાંતિ-પ્રગતિ,
અશોકચક્ર ધર્મનું માન છે ત્રિરંગો,
અનેકતામાં એકતાની સંસ્કૃતિ,
રંગોળી બની સજી જાય ત્રિરંગો,
શહીદના શરીરે લપટાયેલો,
'મા' નો પાલવ ઓઢાડેલો ત્રિરંગો,
દેશપ્રેમની રક્તધારા બની,
નસનસમાં વહી જાય ત્રિરંગો.