ચક્રવાત

એક તારા ન હોવાથી,

મારા ખળભળેલા મનમાં,

થયો હૃદયાઘાત છે,

શું આ જ ચક્રવાત છે ?

તારી યાદોની ઉષ્ણતા,

તારા પ્રેમની શીતલતા,

વલોવાતા મારા ઝઝબાત છે,

શું આ જ ચક્રવાત છે ?

ના રૂદન, ન સ્મિત-હાસ્ય,

વમળનું છે તું કેન્દ્રબિંદુ,

ઘુમરાતું મારૂં આક્રાંત છે,

શું આ જ ચક્રવાત છે ?

નયનોની અતિવૃષ્ટિમાં,

ભીતરે અને બહાર થતો,

ભારે ઉલ્કાપાત છે,

શું આ જ ચક્રવાત છે ?

ઘટાટોપ વરસાદમાં,

તારા હાથનો ગરમ સ્પર્શ,

વહેતો લાગણી-પ્રપાત છે,

શું આ જ ચક્રવાત છે ?