તારી યાદોને સમજાવી દે
તારી યાદોને સમજાવી દે
તારી યાદો હૈયે સભા ભરીને બેસે છે,
ટોળે વળી સૌ આ દિલને હેરાન કરે છે,
નીકળી નથી શકતી હું,
તારી યાદોના ચક્રવ્યૂહમાંથી,
આ આંખને આંસુ આપે છે,
આ હૈયાને તડપ આપે છે,
તોફાની છે તારી યાદો,
હૈયે તરખાટ મચાવે છે,
કામમાં દખલગીરી એ કરે છે,
મરજી પ્રમાણે આવે છે,
જવાનું ક્યાં એ નામ લે છે !
હૈયે માળો બનાવી રહે છે !
રાતની નીંદ અને દિવસનું ચેન લૂંટે છે,
તોય એને ક્યાં કોઈ સજા મળે છે !
મહેફિલમાં પણ આંખે અશ્રુ આપે છે,
સામાજિક નિયમો ક્યાં એ પાળે છે !
તારી યાદોને સમજાવ ને !
વારંવાર આ દિલના દરવાજે દસ્તક ના આપે.