તારી યાદોના વનમાં ભટકવા દે
તારી યાદોના વનમાં ભટકવા દે
તારા હૈયે ધડકન બની મને ધડકવા દે,
મન ભરી તારું મુખડું મને નિરખવા દે,
ઉદાસી તારા ચહેરા પર મને નથી ગમતી,
કમળ જેવું તારું વદન મને ખીલવવા દે,
મે તો કરી દીધું આખું આયખું તને અર્પણ,
ઈશ્વર પાસે તારા માટે રહેમતો માંગવા દે,
તારા પ્રેમમાં હું વિસરી ગઈ છું મારી જાતને,
બસ રાતદિવસ તારું નામ મને જપવા દે,
જેમ ભળે સરિતા સાગરમાં જાત ગુમાવી,
એમ તારા રુહમાં એકાકાર મને થવા દે,
શબ્દો નથી તારા પ્રેમને વર્ણવવા મારી પાસે,
મારા મૌનથી સઘળી વાતો મને કહેવા દે,
ભૂલી ગઈ છું હું તો સઘળા રસમો રિવાજો,
તારી યાદોના વનમાં તું મને ભટકવા દે.