તારી ચાહતની જાદુઈ અસર

તારી ચાહતની એવી જાદુઈ અસર થઈ હશે,

એટલે જ નજરોથી પ્રેમની શરૂઆત થઈ હશે,

વાત વાતમાં એવી વાત થઈ હશે !

શબ્દોમાં જ પ્રેમની રજૂઆત થઈ હશે,

હૈયે ઝંખના ઊગી હશે એક પ્રેમ પામવાની,

અને આપણી એ અનોખી મુલાકાત થઈ હશે,

જોઈ ધરા અને અંબરનો અસીમિત પ્રેમ,

આપણાં હૈયે પણ આપણા પ્રેમની કબૂલાત થઈ હશે,

સાવ મૂલ્યહિન હતા આપણે અલગ અલગ,

સાથે મળીને જ આ જિંદગી ઝવેરાત થઈ હશે !

કુદરત પણ આપણી મુલાકાતોથી ખુશ હશે કદાચ,

એટલે જ આજે રહેમાતોની બરસાત થઈ હશે.