સ્વર્ગ
સ્વર્ગ
જ્યાં મોજ પડે તે સ્વર્ગ જ્યાં મન મળે તે સ્વર્ગ,
કોઈ વ્યાખ્યા ના હોય જ્યાં હૈયુ પલળે તે સ્વર્ગ.
અનંત આકાશી મોકળાશ બંધનોની ના ઝંઝાળ,
પાંખો લગાવી ઉડતા સ્વપ્ને મંઝીલ ફળે તે સ્વર્ગ.
નિસાસાની ના હો નાવ કે ના દુ:ખો સમા દરિયા,
સમરસ સુખોના અવિરત પ્રવાહ ભળે તે સ્વર્ગ.
પોતિકાપણુ જગાડે દેખીને લાગણીઓ છલકાવે,
ના હોય ખાસ પાસે તો જીવન પણ કળે તે સ્વર્ગ.
બ્રહ્માંડ તણુ હો સત ના શોધ્યે મળતું જરાય વખ,
સાંજ બે મીઠા વેણેય જ્યાં આંતરડી ઠરે તે સ્વર્ગ.