સ્વપ્નની દુનિયા
સ્વપ્નની દુનિયા
સ્વપ્નની દુનિયા તો અલગ જ દુનિયા
રાત્રી આખી ઝળહળતા રહે ને
દિવસના અંધારામાં ઓગળી જાય.
ફાનસની જેમ રાત્રી આખી
પ્રકાશપુંજમાં વિહરતા રહે ને
વહેલી પરોઢે વાટની સાથે બળીને
કાચને અંજન લગાવી વિહમી જાય.
કીકીઓના જારના જળમાં
રાત્રી આખી વલોવતા રહે ને
પાંપણ ખુલતા પરપોટા બની
કોઈ તૂટે કોઈ હવામાં ઓગળી જાય.
હૃદયની ગુફામાં સૂતેલા પારેવા
ઉજાસ થતાં જ ફડફડવા લાગે
કેટલાક ઊડીને ગગનને ચૂમે તો
કેટલાકની પાંખો જ કપાઈ જાય.
સ્વપ્નની દુનિયા તો અલગ જ દુનિયા
રાત્રી આખી ઝળહળતા રહે ને
દિવસના અંધારામાં ઓગળી જાય.