સવાલ થઈ ગયો

જિંદગીને જાત ઉપર અભાવ થઈ ગયો, 

ને એનાં, હોવાપણાંનો એને, સવાલ થઈ ગયો !

પથ્થરોની પૂજાનો વ્યાપ વધી ગયો,

ને મૂર્તિને એનાં અસ્તિત્વ પર, સવાલ થઈ ગયો !

અત્તરની ખુશ્બુનો, વપરાશ વધી ગયો, 

ને ફૂલોને, એમની સુગંધ પર, સવાલ થઈ ગયો ! 

સંબંધ આજ, મોબાઈલથી સચવાતો થઈ ગયો, 

ને સગપણને એની વ્યાખ્યા પર, સવાલ થઈ ગયો !

લાગણી-ભાવ ઇમોજીઓમાં કેદ થઈ ગયો,

ને હૃદયને એનાં ધડકવા પર, સવાલ થઈ ગયો !

બનાવટી લોકોનો ચમત્કાર વધી ગયો,

ને ખુદ ઇન્સાનને ઈન્સાન પર, સવાલ થઈ ગયો !

ઘડી બે ઘડી, જિદગીમાં રંગ આવી ગયો, 

ને "નાના"ને ખુદ જિંદગી પર, સવાલ થઈ ગયો !