સપ્તપદીના ગાઢ બંધન

બસ એક તારો સાથ સદા ચાહું છું,

મારામાં હો આસપાસ એજ માગું છું !

પ્રીતની રીતને ક્યાં હું આમ જાણું છું,

શીખવે તું પ્રીત એજ સદા યાચું છું !

આંખોથી આંખોમાં આમ તરી જાઉં છું,

સ્વપ્ન સામે જોતા આમ સદા જાગું છું !

હાથ તારો આમ જ હાથમાં રાખું છું,

સપ્તપદીના ગાઢ બંધન બાંધું છું !

હેતની હેલીમાં રંગ તારો નાખું છું,

તડકે છાંયે સાથ સદાનો માગું છું !

સ્મરણોની શૃંખલા મનમાં રાખું છું,

મધુર જીવન અંત સુધી માગું છું‌ !

સંગ સાથમાં યાદનો બંધ બાંધું છું,

ઘડપણમાં ખીલે વસંત યાચું છું !