લાઈબ્રેરી
પ્રોફાઈલ
સંગીત
સંગીત
1 min
11.4K
જેના સૂર, લય અને તાલથી,
કવિતા ગાનમાં ઉત્સાહ વધે...!
લીન થવાય એ કવિતામાં કે,
જેનાથી કવિતાની ચમક વધે...!
એનું નામ સંગીત.
મનને શાંતિ બક્ષતું,
હૃદયને આનંદ આપતું.....!
નિર્જન વનને એ જાણે,
લીલું ઉપવન કરતું.....!
એનું નામ સંગીત.
ગરબાની રમઝટમાં સંગીત,
પંખીઓના કલરવમાં
સંગીત....!
મા શારદાની વીણામાં સંગીત,
આખેઆખા વિશ્વના શ્વાસમાં
સંગીત.....!
આ છે સંગીતની
વ્યાપકતા.
સપ્તરંગી મેઘધનુષથી,
રંગીન થાતું આકાશ.....!
એમ સપ્ત સૂરોના સંગીતથી,
મન ખૂબ થાતું આબાદ....!
એનું નામ સંગીત.
સાત સૂરોના આ સંગમથી,
જીવન મારું સુગંધિત બને...!
સૌનાં હૈયે સૂર રેલાય એવા,
જેથી દુ:ખ દર્દના વિધ્નો હરે...!
એનું નામ સંગીત.
આકાશથી પાતાળને ગજાવે,
સૌને આનંદ ભરપૂર કરાવે....!
સંગીતના સૂર તાલોની જેમ,
સંબંધોમાં મીઠાશ આવે....!
એનું નામ સંગીત.
