સિંહની જાન હાલી
સિંહની જાન હાલી
સિંહ રાજાની જાન હાલી
જંગલ થયું સાવ ખાલી
પશુપંખીઓ હાલ્યા જાનમાં
સિંહ રાજા ચાલતાં તાનમાં
વાઘભાઈ વગાડે બેન્ડવાજા
સિંહ બન્યા આજે વરરાજા
કોયલ ને કૂતરો ગીત ગાતા
કીડીબેન ઓવારણાં લેતા
સૌ પશુઓ નાચતાં ને કૂદતાં
સિંહના લગ્નની મોજ લૂંટતા
શિયાળ શરણાઈ વગાડતો
હાથીભાઈ માયા લગાડતો
સસલાએ તો ગાડી શણગારી
ચકલીબેને લગ્નની કરી તૈયારી
સુગરીબેને શેરવાની પહેરાવી
મગરભાઈએ મોજડી મંગાવી
ઘોડાભાઇ ચલાવતા ગાડી
સિંહ તો લેવા હાલ્યા લાડી
ફ્લેમિંગોએ લાલ બાંધ્યો ફેંટો
સિંહ રાજાને મળી બહુ ભેટો
બાજભાઇ તો બોમ્બ ફોડતા
ગધેડભાઈ આમતેમ દોડતા
ગેંડાભાઈ તો વહેંચતા ગોળ
હરણાં ને મોર ચાલતા મોર
રંગેચંગે સિંહ પરણી આવ્યાં
રૂપાળી સિંહણ રાણી લાવ્યાં
સૌ ચાલ્યાં શાતિથી પોતાના ઘેર
સંપથી રહીશુ નથી હવે વેરઝેર