શું કરવું એજ સમજાતું નથી
શું કરવું એજ સમજાતું નથી
વિકલ્પ ઘણા છે,
પણ શું કરવું એ સમજાતું નથી,
હું તો જીવન દરિયાની એક નાવ છું,
નાવિક છે ઈશ્વર,
જેમ ચલાવે એમ ચાલ્યે જાઉં છું,
પાનખરનું એક પાન છું
ઝાડનો યે હું હિસ્સો છું,
પણ ઋતુ બદલવાનો એનેય ક્યાં અધિકાર છે !
સાથ ક્યાં આપે છે
કોઈ જીવનભર ,
અધૂરી રાહ પર છોડી જાય છે,
છોડી જનાર આમ ક્યાં રોકી શકાય છે !
પાસા પડે ક્યારેક જીવનની રમત ના અવળા,
હું ક્યાં બાજીગર છું કે,
આમ હાર ને પણ જીતમાં પલટાવી શકું !
હાર જીત છે ઈશ્વરના હાથમાં,
હું તો ખેલાડી બની બસ રમે જાઉં છું.