શું કરશો
શું કરશો
એકલતામાં હીંચકો હીંચી નહીં શકો તો શું કરશો,
આ ભીની આંખ તમે મીંચી નહીં શકો તો શું કરશો ?
બજારમાં ભટકાવું એ તો સહજ વાત છે જીવતરની,
હું ઓળખીશ નહીં ને તમે ભૂલી નહીં શકો તો શું કરશો ?
મુજ વાદળ ને નખરા તુજ ઝાકળ જેટલા નથી,
સમયે હું વરસી જઈશ ને તમે ઝરી નહીં શકો તો શું કરશો ?
તમે ગુલાબ છો ને તમારી જરૂર મુજ કિતાબને છે,
હું તોડીશ નહીં ને તમે ખરી નહીં શકો તો શું કરશો ?
તુજ ચાંદનો મેળાપ મુજ 'દીપ'થી કાઠો છે,
હું ઠરીશ નહીં ને તમે બળી નહીં શકો તો શું કરશો ?
હું તમારી ઈચ્છા નહીં અમર આશા જેવો છું,
હું મરીશ નહીં ને તમે મારી નહીં શકો તો શું કરશો ?