શું એવું ના થઈ શકે ?

મારા મૌનને પણ તું સમજી જાય

મારો ચહેરો પણ તું વાચી જાય

મારી પીડાઓને પામી જાય

શું એવું ના થઈ શકે ?

ખુશીઓ તને મળે અને સ્મિત મારું હોય

તારા હૈયે ઉભરતી પ્રીત મારી હોય

તારા હોઠે ગીત મારું હોય

શું એવું ના થઈ શકે ?

વરસે વાદળીને ધરતી હરખાય

આ આકાશના પ્રેમે ધરતી ભીંજાઈ

તારા હૈયે કૂંપળ ફૂટે મારા પ્રેમની

શું એવું ના થઈ શકે ?

તલાશ તું કરે ખુશીની

તારામાં હું ભળી જાઉ

મારામાં ખુશી તારી મળી જાય

શું એવું ના થઈ શકે ?

મારા શબ્દોને તારા હદયમાં સ્વીકાર મળી જાય

તો મારા જીવનને નવો આકાર મળી જાય

જો તારા હૈયે મને મીઠો આવકાર મળી જાય

શું એવું ના બની શકે ?