શૃંગાર જિંદગીનો
શૃંગાર જિંદગીનો
જિંદગી પર લાગ્યો છે થોડો નકારાત્મકતાનો મેલ,
એ દૂર કરી મારે એને શણગારવી દુલ્હનની જેમ,
જેમ કરે એ શૃંગાર એમ એને પણ મારે કરી દેવો શૃંગાર,
ખુશીઓનું પાનેતર અને સુખ નામની મોઢચૂંદડી ઓઢાડવી તેને,
પ્રેમ નામની મારે કરવી એને કાજળ,
વિશ્વાસ નામની નથણી પહેરાવી મારે,
સત્ય નામની મારે કરવી એને લિપસ્ટિક,
લાગણી નામનું મંગળસૂત્ર પહેરાવું મારે,
હૂંફનો કંદોરો,
આત્મવિશ્વાસ નામની ચૂડી-બંગડી,
સંવેદના નામની વિંટી,
સ્વનિર્ભર નામની પાયલ, અને ઊર્જા નામની વેઢ,
આ રીતે કરવો મારે જિંદગીનો શણગાર.