શબ્દની શક્તિ

 જીવનના સારને આતુરતાથી 

 શોધવા,

ગ્રંથો, મહાગ્રંથોને ઉરમાં 

આલેખું.....!

કાવ્યો, મહાકાવ્યો વાંચી 

નિચોડ્યા તારણો,

બસ શબ્દની શક્તિનું તરણું

દીઠું ચમકતું.....!

આ શબ્દની શક્તિ સોગાદ,

લાવે અજબ ગજબની.

મીઠા શબ્દ મીઠાશ મધુરી ફેલાવે

વ્યંગ શબ્દો મહાભારતનું કારણ

બતાવે.....!

નમ્રતાભર્યાં શબ્દો જીવન

 મઘમઘતું બનાવે,

અણધારી સફળતાનો તાજ

પહેરાવે.....!

આ શબ્દની શક્તિ સોગાદ,

લાવે અજબ ગજબની.

આ શબ્દની તાકાત,

જીવનના રંગો સજાવે....!

આ શબ્દની તાકાત,

 માન, મોભો વધારે.....!

પરાયા દોસ્તોને,

પોતાના જ બનાવે.....!

દુશ્મન પણ દુશ્મનાવટ ભૂલી,

 દોસ્તીના હાથ ફેલાવે....!

આ શબ્દની શક્તિ સોગાદ,

લાવે અજબ ગજબની.

મીઠા શબ્દ બાણે પથ્થર દિલના

હૈયા,

ફૂલ સા કોમળ બનતાં.....!

દર્દોના ઘા રુંઝાઈ જાતા,

 જીવનના પલેપલ સાત સૂરોથી

ગૂંજતા.....!

 આ શબ્દની શક્તિ સોગાદ,

 લાવે અજબ ગજબની.

 શત્રુતા ફેલાવે છે જગ માંહી

 લોહીની નદીઓ વહાવે યુદ્ધ

 માંહી.....!

 એવા કડવા બોલ શા કાજે 

બોલવા,

 જે જિંદગી ધૂળધાણી બનાવે

જગ માંહી.....!

આ શબ્દની શક્તિ સોગાદ,

લાવે અજબ ગજબની.

મીઠા શબ્દના તાકાતથી,

મન મધુર થાય.....!

સુકર્મોનો સોગાદ સહજ 

મળી રહે,

પુણ્યના ઉદયની શરૂઆત

થાય......!

આ શબ્દની શક્તિ સોગાદ,

લાવે અજબ ગજબની.