રસમ

નિયમોના રિવાજ અને રસમની વાત રહેવા દે,

પ્રેમ સાચો હોય તો કોઈ કસમની વાત રહેવા દે !

શંકાઓ સઘળી ઓગળે સત્યની જલદતામાં પછી,

નકાબમાં છુપાયેલા ભેદ ભરમની વાત રહેવા દે !

હવે તો ફળ ભોગવ્યે જ છૂટકો આવનારા દિવસોમાં,

પાપ, પુણ્ય પછી થયેલા કરમની વાત રહેવા દે !

ઈમાન મૈખાનાનું શુ જાણે મસ્જિદમાં બેઠેલો શેખ,

ભેરવાયો ખુદ ખુદા એ ધરમની વાત રહેવા દે !

તું બેગુનાહ છે તો મારી આંખમાં આંખ નાખી વાત કર,

રસમના ઓઠા હેઠળ તું શરમની વાત રહેવા દે !

આ "પરમ" નો વિસ્તારે ક્ષિતિજ જેવી ફેલાયેલી રસમો,

મારા "પાગલ" નાં ભેદી મરમની વાત રહેવા દે.