લાઈબ્રેરી
પ્રોફાઈલ
રોશની ફેલાય જો
રોશની ફેલાય જો
1 min
200
પીગળી જાય કઠણ હૈયા
છૂટે બધી મોહમાયા
એવી દિવાળીની રોશની ફેલાય જો !
રાગદ્વેષ અને ઇર્ષાની
ન રહે મનમાં કોઈ છાયા
એવી દિવાળીની રોશની ફેલાય જો !
અસત્યના છૂટે બંધન
સત્ય કેરા ખૂલે દ્વાર
એવી દિવાળીની રોશની ફેલાય જો !
નફરત કેરા ન રહે મન
પ્રેમની વહે મીઠી ધારા
એવી દિવાળીની રોશની ફેલાય જો !
મટી જાય સઘળાં વેરઝેર
મિત્રતા પાંગરે જન જન
એવી દિવાળીની રોશની ફેલાય જો !
દુર થાય સઘળાં મન દુઃખ
વસે સૌના હૈયે શ્રીરામ
એવી દિવાળીની રોશની ફેલાય જો !
