રાત
રાત
નથી સમજાતું એ રાત તારું પ્રયોજન,
તું ઘોર અંધકાર કેમ ફેલાવતી જાય છે.
સૂરજ કરે છે રોશન દુનિયાને રોશનીથી,
તું સૂરજને કેમ ખુદમાં સમાવતી જાય છે.
ચાંદ તારા તો રહે છે તારા જ સથવારે,
છતાં પણ તું કેમ એકલી રહી જાય છે.
તારા કારણે તો અટકે છે દુનિયા ક્ષણભર,
તું કેમ છુપાઈને એકલી પસાર થઈ જાય છે.
નિશાચરો ઘૂમી રહ્યા તારા જ આગોશમાં,
તું કેમ અંધારાની ચાદર ઓઢી જાય છે.
દિવસના ઉજાસને તું છુપાવે છે અંધકારથી,
આશાના ચિરાગ તું કેમ બુઝાવી જાય છે.